Навіна: : Бацькі З.Дашкевіча сустрэліся з сынам у калёніі
(Катэгорыя: Галоўнае)
Дадаў Адміністратар
14.01.2008 - 07:21:51
Вязень Шклоўскай калёніі Зьміцер Дашкевіч сустрэўся з бацькамі падчас доўгатэрміновага спатканьня. Старэйшыя Дашкевічы спадзяюцца, што наступным разам убачаць сына ўжо на волі.
Спатканьне Зьмітра Дашкевіча з бацькамі доўжылася болей за два дні. Бацькі палітвязьня кажуць, што Зьміцер быў вельмі спакойны, не выказваў ніякіх прэтэнзіяў і асаблівых пажаданьняў. “Ён, вядома, худы, але — як звычайна. Зьміцер ніколі поўным ня быў. Галоўнае, што за гэтыя дні ён адпачыў душой, бо турэмнае жыцьцё чалавека вельмі стамляе”, — сказаў Вячаслаў Дашкевіч.
Дамоў бацькі прывезьлі старую вопратку сына і дзьве вялікія торбы лістоў, якія ён атрымаў за год у Шклоўскай калёніі. Лісты палітвязень атрымлівае штодня і штодня адпраўляе дзясяткі адказаў сваім карэспандэнтам.
“Кажа, усё добра, нічога яму ня трэба. Мы прыехалі на спатканьне, дык ён казаў, што яшчэ каля двухсот лістоў атрымаў у той дзень, нават не пасьпеў іх ня тое што прачытаць, але разгарнуць”.
Паводле Вольгі Дашкевіч, і на спатканьні Зьміцер таксама патраціў пэўны час на тое, каб адказваць на дасланыя яму лісты. У калёніі, калі Зьмітра Дашкевіча разьмеркавалі на працу на лесапілку, у яго абвастрылася хвароба хрыбетніка.” Зараз ня скардзіцца”, — кажа маці палітвязьня.
Гэта было яе апошняе доўгатэрміновае спатканьне з сынам. Наступным разам яна спадзяецца ўбачыць Зьмітра ўжо на волі — тэрмін зьняволеньня заканчваецца ў сярэдзіне сакавіка. Але Вольга Дашкевіч пра гэта пакуль ня хоча казаць, баючыся, што нешта сарвецца.
“Калі нешта там не парушыць. Ня тую кашулю апране, ці яшчэ што. Ня дай Бог”.
Крыніца гэтай навіны
( http://dashkevich.mfront.net/news.php?extend.16 )
(Катэгорыя: Галоўнае)
Дадаў Адміністратар
14.01.2008 - 07:21:51
Вязень Шклоўскай калёніі Зьміцер Дашкевіч сустрэўся з бацькамі падчас доўгатэрміновага спатканьня. Старэйшыя Дашкевічы спадзяюцца, што наступным разам убачаць сына ўжо на волі.
Спатканьне Зьмітра Дашкевіча з бацькамі доўжылася болей за два дні. Бацькі палітвязьня кажуць, што Зьміцер быў вельмі спакойны, не выказваў ніякіх прэтэнзіяў і асаблівых пажаданьняў. “Ён, вядома, худы, але — як звычайна. Зьміцер ніколі поўным ня быў. Галоўнае, што за гэтыя дні ён адпачыў душой, бо турэмнае жыцьцё чалавека вельмі стамляе”, — сказаў Вячаслаў Дашкевіч.
Дамоў бацькі прывезьлі старую вопратку сына і дзьве вялікія торбы лістоў, якія ён атрымаў за год у Шклоўскай калёніі. Лісты палітвязень атрымлівае штодня і штодня адпраўляе дзясяткі адказаў сваім карэспандэнтам.
“Кажа, усё добра, нічога яму ня трэба. Мы прыехалі на спатканьне, дык ён казаў, што яшчэ каля двухсот лістоў атрымаў у той дзень, нават не пасьпеў іх ня тое што прачытаць, але разгарнуць”.
Паводле Вольгі Дашкевіч, і на спатканьні Зьміцер таксама патраціў пэўны час на тое, каб адказваць на дасланыя яму лісты. У калёніі, калі Зьмітра Дашкевіча разьмеркавалі на працу на лесапілку, у яго абвастрылася хвароба хрыбетніка.” Зараз ня скардзіцца”, — кажа маці палітвязьня.
Гэта было яе апошняе доўгатэрміновае спатканьне з сынам. Наступным разам яна спадзяецца ўбачыць Зьмітра ўжо на волі — тэрмін зьняволеньня заканчваецца ў сярэдзіне сакавіка. Але Вольга Дашкевіч пра гэта пакуль ня хоча казаць, баючыся, што нешта сарвецца.
“Калі нешта там не парушыць. Ня тую кашулю апране, ці яшчэ што. Ня дай Бог”.
Крыніца гэтай навіны
( http://dashkevich.mfront.net/news.php?extend.16 )